ACTIVIDADES
ACORDOS DE CUSTODIA
PROXECTOS ACTIVOS
NON O DUDES … E CONTACTA
Asociación Galega de Custodia do Territorio
Protexer o noso patrimonio natural
A AGCT nace para garantir a conservación da rica biodiversidade e paisaxe de Galicia.
Ao combinar esforzos entre administracións públicas, propietarios e sociedade civil, traballamos para preservar o patrimonio natural que define a nosa identidade e é fundamental para o benestar común.
Fomentar a Implicación cidadá
Creemos nunha sociedade activa e consciente do seu papel na protección do territorio.
A AGCT promove a participación cidadá, impulsando accións responsables que complementen os recursos públicos e aseguren unha xestión sustentable dos nosos recursos naturais.
Garantir territorios vivos e sustentables
A AGCT existe para lograr que as persoas e a natureza convivan en harmonía.
Traballamos para que o territorio galego sexa un espazo vivo, no que as futuras xeracións poidan gozar dunha vida digna nun entorno equilibrado e sustentable.
Casa das Insuas
A Casa das Insuas, ubicada en Rábade a carón do río Miño, é un centro de conservación e estudo da natureza que actúa como punto de encontro para quen desexe coñecer, valorar e protexer o medio natural.
Este espazo, xestionado pola Asociación Galega de Custodia do Territorio, promove iniciativas de agroecoloxía, soberanía alimentaria e actividades baseadas no uso sustentable da natureza, unindo tradición e innovación.
Próximas actividades
Soñamos cunha Galicia onde natureza e sociedade camiñen xuntas
Desde a súa fundación en 2008, a AGCT traballa para complementar os esforzos das administracións públicas, chegando a espazos non protexidos e involucrando a comunidades enteiras na conservación.
A través de proxectos como a Casa das Insuas, achegamos ferramentas e coñecemento para que máis persoas e entidades se sumen a esta causa, inspirando accións que preserven a riqueza natural e cultural de Galicia.
Coidemos o que é noso, unímoste a custodia do territorio?