Información sobre a actividade

Domingo, 21 de decembro – Traloagro

Durante a xornada poderemos coñecer de preto o traballo da granxa familiar Traloagro (Friol) dedicada á produción ecolóxica de carne de terneira e de polo,  con especial foco no benestar animal e a sostibilidade. Xestionan todo o proceso, desde a cría en pastoreo até a elaboración no seu propio biocentro cárnico. 

Ademais, realizaremos unha acción de voluntariado que consistirá na colocación dun cartel divulgativo sobre o papel que xogan na custodia agraria.

Para rematar, celebrarase unha degustación de produtos locais da Reserva da Biosfera Terras do Miño, un bo momento para compartir experiencias e coñecer proxectos de produción sostible do territorio.

Actividade aberta e gratuíta grazas ao apoio da Deputación de Lugo. Recoméndase levar roupa e calzado axeitado para traballo no campo.

Reserva a túa praza :