Información sobre a actividade

No monte de Toca atopamos hábitats dominados por distintas especies de frondosas; xunto con éstes, en ladeiras máis expostas, prevalecen zonas nas que dominan as queirogas ou distiintas especies de leguminosas.

O 20 de setembro desenvolveremos unha xornada adicada a explicar estes hábitats e asocialos coa producción de mel, incluíndo unha cata de mel e a explicación do proceso de elaboración do mesmo, contando coa colaboración dalgún productor local.

Lonxitude aproximada: 5Km.; dificultade: media-baixa.

Imprescindible: roupa e calzado axeitados, auga e froita e/ou froitos secos

Esta xornada enmárcase no acordo a tres bandas asinado no 2022 pola Asociación Galega de Custodia do Territorio (AGCT), a Comunidade de Montes de Toca e ao proxecto COMPENSA da Cruz Roja Española – Lugo co obxectivo de restaurar e conservar áreas afectadas polos incendios. Como parte deste compromiso, estanse a desenvolver distintas actividades de posta en valor deste espazo ao longo do ano 2026.

Participa e descobre connosco os tesouros de este espazo de alto valor natural!