Camiñaremos ao redor de 7Km., cun roteiro de dificultade media-alta e, ao longo da xornada, visitaremos Piornedo, Suárbol, Porto de Ancares e Cuíña. Nestes puntos veranse distintas evidencias da pegada dos glaciares que dominaron estas montañas ao longo da derradeira glaciación, hai uns 50.000 anos. Pero tamén haberá tempo para falar e interpretar as distintas formacións xeolóxicas desta serra, que van dende rochas que estaban no fondo do mar hai millóns de anos ata outras que se orixinaron polo arrefriamento do magma a profundidades de case 10 quilómetros.