Información sobre a actividade

 O vindeiro sábado 29 de novembro celebraremos unha xornada aberta de visita e voluntariado ambiental na gandaría La Cabreta, no concello de Lugo.

Comezaremos a mañá coñecendo o traballo da gandaría La cabreta, que aposta por unha xestión sostible do territorio a través do manexo rotacional das ovellas. 

Despois, realizaremos tarefas de restauración dunha charca para mellorar hábitat para a biodiversidade acuática e a conectividade ecolóxica.

Para rematar, compartiremos un petisco con produtos locais.

💚 A actividade conta co apoio da Deputación Provincial de Lugo e co compromiso da veciñanza, que continúa a demostrar que a custodia do territorio é unha ferramenta viva e colaborativa para coidar do noso patrimonio natural

👉 Podedes reservar a vosa praza no seguinte formulario: https://forms.gle/ADLAWnX89XQhUo1h7