A Casa das Insuas é un centro de recursos xestionado por e para entidades e persoas con inquedanza polo coñecemento e conservación do medio natural, a agroecoloxía, a soberanía alimentaria, os oficios tradicionais e todas aquelas actividades baseadas no aproveitamento e disfrute respectuoso e sustentable da nosa natureza.
 

A Asociación Galega de Custodia do Territorio impulsa e xestiona a Casa das Insuas, na que tamén participan as asociacións naturalistas Numenius, Drosera, Saramaganta, Sociedade Micolóxica Lucus e SGO.

A Casa das Insuas está ubicada a carón do río Miño, e a súa actividade é posible grazas ao acordo acadado entre a AGCT e o concello de Rábade, propietario do edificio.

 

Casa das Insuas
R/ José Pardo y Pardo Montenegro, nº 27
Rábade (Lugo)