CONSERVAS ANTONIO PEREZ LAFUENTE apoia a custodia do territorio

17 Febreiro 2014 6 comentarios

Hoxe temos a honra de vos anunciar o acordo polo cal a empresa CONSERVAS ANTONIO PEREZ LAFUENTE pasa a ser a primeira entidade benfeitora da Asociación Galega de Custodia do Territorio.
Gráfico1

A prestixiosa conserveira de Vilanova de Arousa (Pontevedra) é pioneira na produción de conservas ecolóxicas de marisco e peixe baixo a marca PAN DO MAR sendo a primeira conserveira española que conseguiu a certificación ecolóxica. Os produtos de PAN DO MAR proceden da pesca sustentábel e controlada e están elaborados con aceites e mollos provenientes da agricultura ecolóxica. Alén das tradicionais conservas de peixe e marisco a empresa produce tamén patés e saladas con atún ou mexillóns.
Ler máis…

Categorías:Asociación

III Encontro Galego de Custodia do Territorio

13 Febreiro 2014 Deixar un comentario

O III Encontro Galego de Custodia do Territorio plantexouse coma un espazo para o aprendizaxe e fortalecemento das entidades galegas que empregan a custodia do territorio como ferramenta de conservación da natureza e a paisaxe. Contou coa participación de profesionais dos sectores forestal, agrario e xurídico que analizaron distintos aspectos relativos á conservación do patrimonio natural e paisaxístico a través da custodia do territorio. Así mesmo contouse coa presenza de expertos en Custodia do Territorio do ámbito estatal. Ler máis…

III Encontro Galego de Custodia do Territorio

16 Xaneiro 2014 Deixar un comentario

En territorios moi humanizados coma é o caso do noso, a xestión dos recursos naturais e a conservación da natureza deben ter en conta os factores sociais. Cuestións coma o uso e a propiedade da terra ou as actitudes dos distintos sectores de poboación cara as políticas territoriais e de xestión da biodiversidade e a paisaxe son factores clave á hora de afrontar con éxito programas de conservación da natureza.

A custodia do territorio é un instrumento para a conservación da natureza e a paisaxe que promove a participación dos propietarios dos terreos, a sociedade civil organizada, a cidadanía e incluso empresas privadas, e ten un carácter complementario e non substitutivo doutras iniciativas e políticas públicas que buscan preservar a biodiversidade e a paisaxe. Máis aló dun concepto falamos dun conxunto de técnicas e estratexias diversas dirixidas a favorecer a corresponsabilidade dos propietarios e a sociedade en xeral, na conservación e o uso axeitado do territorio e os recursos naturais.

o III Encontro Galego de Custodia do Territorio será un espazo para o aprendizaxe e fortalecemento das entidades galegas que empregan a custodia do territorio como ferramenta de conservación da natureza e a paisaxe. Contarase coa participación de profesionais dos sectores forestal, agrario e xurídico que analizarán distintos aspectos relativos á conservación do patrimonio natural e paisaxístico a través da custodia do territorio. Así mesmo contarase coa presenza de expertos en Custodia do Territorio no ámbito nacional.

O primeiro día do encontro, proxectarase o documental “ A Mesma Terra”,  unha produción de Fonsagrada Producións (do grupo Fílmax, creadores do programa Cos pés na terra) e Televisión de Galicia, realizado por Iago Mazoy, con guión de Anxo Vázquez, Iago Mazoy e Pepe Coira”.  Isto será o punto de partida dunha reflexión colectiva sobre o abandono de terras en Galicia e as súas implicacións na conservación da natureza e a paisaxe. Consideramos que o contido deste documental que presenta de forma moi acertada a idiosincrasia e a problemática, social, económica e ambiental, do abandono de terras no noso País, pode servir de fío argumental para tratar de debullar os principais retos territoriais aos que se enfronta a custodia do territorio en Galicia. Neste senso, plantexamos unha xornada inagural, onde o documental teña un papel central e introduza un debate onde contaremos con algúns dos expertos entrevistados na película e outros expertos que complementen as análises verquidas neste traballo.

O III Encontro Galego de Custodia do Territorio celebrarase no Centro de Conservación e Estudo da Natureza Casa Das Insuas que é un centro de recursos autoxestionado por e para entidades e persoas con inquedanza polo coñecemento e conservación do medio natural. A Asociación Galega de Custodia do Territorio impulsou e xestiona este centro, no que tamén participan outras entidades naturalistas.

 

PROGRAMA

Venres, 31 de xaneiro

-18:00 h.: Custodia agraria, conservación e desenvolvemento rural: a experiencia de Cataluña. J. Pietx, XCT

-19:00 h.: Proxección do documental “A MESMA TERRA”  de A Fonsagrada producións, grupo Filmax.

-20:00 h.: Reflexión colectiva: Conservación, abandono de terras e custodia do territorio en Galicia.

 

Sábado, 1 de febreiro

-10:00 h.: Presentación de participantes

-10:30 h.: Oportunidades para a Custodia do Territorio na Lei de Montes de Galicia. Xabier Bruña, A Cova da Terra.

-11:00 h.: Posibles sinerxias da certificación FSC coa Custodia do Territorio. Marcos Estevez, FSC España

-11:45 h.: Bancos de Terra e custodia

                -A Custodia do Territorio dende o BANTEGAL. Cristina Zolle, Tco. do BANTEGAL

                -O BANTEGAL dende a experiencia das entidades de custodia. Martiño Cabana, AGCT

-12:30 h.: DESCANSO-CAFÉ

-13:00 h.: Oportunidades para a Custodia do Territorio no PDR galego. D. X. de Desenvolvemento Rural , Consellería de Medio Rural

-14:00 h.: EIP, oportunidades para a Custodia do Territorio. Quico Onega, Laborate/USC

-14:30 h.: XANTAR

-16:00 h.: Aspectos xurídicos da Custodia do Territorio. Antonio Ruiz, abogado – consultor xurídico ambiental. Asesor do FRECT.

-17:00 h. : Incidencia institucional na Custodia do Territorio. Jordi Pietx, director XCT.

-18:00 h. : A Agrupación Galega de Custodia do Territorio: O traballo en rede. Óscar Rivas, AGCT

-18:30 h. : Mesa de traballo – Prioridades da Custodia do Territorio en Galicia

 

Máis información en: custodiadoterritorio@gmail.com ou no tfn: 620593892

Captura

Categorías:Uncategorized